Áhorfendur RUV í gærkvöldi urðu margir varir bið býsna frjálslegt tíst sem birtist í útsendingu á Vikunni, þætti Gísla Marteins Baldurssonar. Hefð er fyrir því að birta tíst um efni þáttarins í útsendingunni og gefa þannig áhorfendum tækifæri til þess að taka þátt í umræðunni „í beinni.“ Tístið í gær skrifaði Þórdís Gísladóttir: „Þórólfur hefur gefið grænt ljós á faðmlög en hvenær má fólk byrja að ríða eins og rófulausir hundar?“

Þórólfur hefur gefið grænt ljós á faðmlög en hvenær má fólk byrja að ríða eins og rófulausir hundar #vikan

— Þórdís Gísladóttir (@thordisg) February 26, 2021

Beinar útsendingar á RUV hafa verið talsvert í umræðunni undanfarið eftir atvik í Gettu betur síðustu helgi. Mun þar ungur keppandi hafa misst stjórn á skapi sínu í kjölfar taps og strunsað út af sviðinu með nokkrum látum.

RUV klippti atvikið út af útgáfunni sem nálgast má á netinu, en sú klippa var auðvitað um leið farin í víða dreifingu á samfélagsmiðlum. Erlendir miðlar fjölluðu mikið um atvikið. Nægir þar að nefna The Metro Express, The Sun, The Daily Mail auk þess sem samfélagsmiðlar BBC deildu því.

DV reyndi eftir atvikið að ná sambandi við forsvarsmenn RUV en hefur enn engin svör fengið.

Stefán Eiríksson stóð þó ekki á svörum eftir atvikið í gær og svaraði Þórdísi um leið: „Nú hefði verið gott að vera með 30 sek. töf á útsendingunni.“

Nú hefði verið gott að vera með 30 sek. töf á útsendingunni #vikan

— Stefán Eiríksson (@StefanEiriks) February 26, 2021