Tottenham Hotspur hefur haft samband við Angel Di Maria um að ganga í raðir félagsins næsta sumar, kantmaðurinn verður þá samningslaus.
Di Maria gekk í raðir Manchester United árið 2014 en fór ári síðar til PSG og hefur verið þar síðan.
Di Maria verður 33 ára á þessu ári en Tottenham telur sig geta notað hann. Kantmaðurinn frá Argentínu er sagður skoða fyrirspurn Tottenham.
Á sama tíma er PSG á fullu að reyna að sannfæra Tottenham um að lána þeim Dele Alli, miðjumaðurinn vill ólmur fara til Parísar.
Mauricio Pochettino telur sig hafa not fyrir Dele en Jose Mourinho stjóri Tottenham, hefur enga trú á enska miðjumanninum. Dele átti frábæran tíma undir stjórn Pochettino hjá Tottenham.
Tottenham ætlar ekki að láta Dele fara fyrr en félagið hefur fundið leikmann í hans stað en félagið reynir að kaupa Florian Neuhaus, miðjumann Borussia Monchengladbach.
