Emily Boo er svokallaður „gothari“. Hún hefur verið svartklædd frá táningsaldri og byrjaði að gata sig um tólf ára aldur. Hún er með yfir 150 húðflúr og göt víðs vegar um líkamann. Eiginmaður hennar og sex ára dóttir hafa aldrei séð hana „venjulega“, en í nýjum þætti hjá vefmiðlinum Truly prófar hún það í fyrsta sinn.

„Ég hata orðið „venjuleg“ því „venjulegt“ er ekki til, en ég ætla að breyta mér í stelpu sem klæðist gallabuxum og drekkur Pumpkin Spice latte. Svona „basic bitches.“ Afsakið,“ segir Emily og hlær.

Emily segir að hún hafi lengi fengið mjög neikvæða athygli á götum úti, en það hafi minnkað til muna eftir að hún eignaðist dóttur sína. „Þegar fólk sér þig ganga með barn, þá heldur það frekar aftur af sér en að segja eitthvað ljótt,“ segir hún.

Það er ótrúlegur munur á Emily, en eiginmaður hennar og dóttir eru sammála um að Emily sé fallegri sem „goth“.

Emily segir að eini lærdómurinn sem hún tekur frá þessu ferli undirstriki það sem hún vissi áður, að maður eigi að vera bara nákvæmlega eins og maður vill og gerir mann hamingjusaman.

Sjáðu myndbandið hér að neðan.