Frank Lampard, knattspyrnustjóri Chelsea, er undir mikilli pressu þessa stundina og er í hættu á að missa starf sitt eftir slakt gengi liðsins í ensku úrvalsdeildinni.
Þegar knattspyrnustjórar eru taldir líklegir til þess missa starf sitt fara af stað sögusagnir og spáð er í því hvaða knattspyrnustjóri gæti verið næstur í röðinni.
Samkvæmt veðmálasíðunni Betfair, er Andryi Shevchenko, fyrrverandi leikmaður Chelsea, líklegastur til þess að taka við knattspyrnustjórastöðunni hjá Lundúnaliðinu verði Lampard rekinn.
Shevchenko spilaði á sínum tíma 77 leiki fyrir Chelsea og tók við landsliðsþjálfarastöðu í heimalandi sínu Úkraínu eftir að knattspyrnuskórnir fóru á hilluna.
Næstur í röðinni á eftir Shevchenko er þjóðverjinn Thomas Tuchel, sem var á dögunum rekinn úr stöðu knattspyrnustjóra franska liðsins Paris-Saint Germain. Það að Tuchel er talinn sterkur kostur í hans fari þar sem nokkrir af lykilleikmönnum Chelsea eru þjóðverjar.
Ítalinn Massimiliano Allegri er talinn þriðji líklegastur til þess að hljóta starfið, verði Lampard rekinn. Allegri starfaði síðast hjá ítalska liðinu Juventus við góðan orðstír.
Tíu líklegustu knattspyrnustjórarnir til þess að taka við Chelsea samkvæmt Betfair:
