Erdogan segir ummælin vera „hreina ögrun“ sem sýni vel „ósvífni“ Frakklandsforseta. Macron kynnti nýtt lagafrumvarp ríkisstjórnarinnar í síðustu viku sem á að styrkja hið veraldlega í landinu þannig að stjórnmál og trúarbrögð blandist ekki saman. Við það tilefni varaði hann við „íslamskri aðskilnaðarstefnu“ í Frakklandi.
Hann boðaði einnig að bann við notkun trúarlega höfuðfata á borð við slæður, eins og margar múslímskar konur nota, og slör verði víkkað enn frekar og muni ná til starfsfólks í einkageiranum. Einnig mun ríkisvaldið fá heimild til að grípa inn ef sveitarstjórnir hafa veitt múslimum of margar ívilnanir. Hann sagðist staðráðinn í að stöðva alla sem „nota trúarbrögð til að byggja upp hliðarsamfélag“.
Franska ríkisstjórnin segir að lögin muni ná til allra trúarbragða en það sé íslömsk trú sem valdi mestum áhyggjum.
Erdogan telur að Macron hafi ýkt ástandið og móðgað múslima með ummælum sínum.
„Hvert ert þú að leyfa þér að tala um uppbyggingu íslam?“ sagði Erdogan
