Þegar upp var komið settist hann á grein sem bar ekki þunga hans og brotnaði. Gastelum hrapaði 30 metra niður eftir hamravegg og endaði í sjónum að sögn lögreglunnar í Oregon.
Gastelum hafði verið í gönguferð á svæðinu við annan mann. Strandgæslan var kölluð til aðstoðar og fann lík hans í sjónum.
Lögreglan segir að ekki megi fara yfir girðingar nærri gilinu og að skilti hafi verið á staðnum sem varar fólk við að fara of nærri brúninni.
