Alex Telles vinstri bakvörður Porto vonast til þess að ganga í raðir Manchester United í þessari vikur. Viðræður Manchester United og Porto eru langt komnar samkvæmt frétt The Guardian.
Klásúla er í samningi Telles sem gerir honum kleift að fara fyrir 36 milljónir punda. Telles á hins vegar bara ár eftir af samningi sínum og er Porto því tilbúið að selja hann fyrir lægri upphæð.
Guardian segir að Telles vilji klára skipti sín í þessari viku og að hann muni þéna 75 þúsund pund á viku.
Telles er 27 ára gamall en hann hefur spilað einn landsleik fyrir Brasilíu. Hann mun keppa við Luke Shaw um stöðu vinstri bakvarðar hjá United.
Telles skoraði ellefu mörk og lagði upp átta á síðustu leiktíð í úrvalsdeildinni í Porúgal en hann er vítaskytta liðsins.
Ole Gunnar Solskjær hefur aðeins keypt Donny van de Beek í sumar en hann vonast eftir Telles og hægri kantmanni áður en glugginn lokar eftir tvær vikur.
