Karlmaður á þrítugsaldri var nýlega sektaður af lögreglustjóranum í Osló um sem svarar til um 300.000 íslenskra króna fyrir að hafa brotið reglur um sóttkví. Maðurinn var smitaður af kórónuveirunni, sem veldur COVID-19, og hafði verið gert að vera í sóttkví til 19. júní.

Hann fór ekki eftir þessu því hann ók til Frognerkilen og lagði síðan af stað heim til Lilleström að erindinu loknu. Lögreglan stöðvaði akstur hans á Heimdalsgata í Osló.

Samkvæmt norskum reglum þurfa þeir sem eru smitaðir af COVID-19 að vera í sóttkví heima hjá sér eða á öðrum stað. Lengd sóttkvíarinnar fer eftir fyrirmælum heilbrigðisyfirvalda.

Eins og fyrr segir var maðurinn sektaður og nemur sektin 20.000 norskum krónum.