Það vakti talsverða athygli fyrr í dag þegar mótanefnd KSÍ hefur samþykkt ósk Víkings R. um að leikur þeirra gegn Fjölni verði seinkað um einn dag. Af þessum sökum færist leikur HK og FH þar til síðar sama dag.
Pepsi Max deild karla
Víkingur R. – Fjölnir
Var: Sunnudaginn 14. júní kl. 18:00 á Víkingsvelli
Verður: Mánudaginn 15. júní kl. 18:00 á Víkingsvelli
Margir eru á því að þetta sé einkennileg tímasetning, nokkrum dögum fyrir fyrstu umferð. „Getur einhver útskýrt fyrir mér ástæðu þess að lið geti bara fært leik sinn örfáum dögum áður en leikurinn á að fara fram?,“ skrifar Guðmundur Benediktsson á Twitter í kvöld.
Ástæðan fyrir því að KSÍ gaf leyfi fyrir þessu er að á mánudag breytast fjöldatakmarkanir vegna kórónuveirunnar, úr 200 í 500 manns á sama stað. Víkingar geta bara selt miða í tvö hólf á velli sínum og koma því þúsund manns á völlinn en ekki 400. „Við eigum ekki gott með að vera með meira en tvö hólf í stúkunni okkar. Það hefðu því getað verið 2×200 manns en í staðinn geta verið 2×500 á leiknum,“ segir Haraldur Haraldsson, framkvæmdastjóri Víkings við Vísir.is.
