Kári Árnason landsliðsmaður í knattspyrnu verður í lykilhlutverki þegar Víkingur fer af stað í Pepsi Max-deild karla. Umræðan fyrir mót er á þann veg að Kári þurfa aðeins að róa sig innan vallar.

Kári fékk rautt spjald í æfingaleik á dögunum og var kallað eftir rauðu spjaldi í leik meistara meistaranna á sunnudag gegn KR. „Hann Fékk rautt á móti Stjörnunni, Pétur Lögga hefði getað rekið hann út af gegn KR. Ég er ekki að segja að hann hafi átt að fá rautt,“ sagði Hjörvar Hafliðason í Dr. Football þætti sínum í dag.

Hrafnkell Freyr Ágústsson, sérfræðingur þáttarins segir Kára virka vanstilltan í aðdraganda mótsins. „Það virðist vera stutt í smá geðveiki hjá honum, virkar vanstilltur. Þegar hann tók Blikana í fyrra, þá barði hann þá og fékk þá á móti sér. Alex Þór Hauksson kveikti í honum í æfingaleiknum,“ sagði Hrafnkell.

Tómas Þór Þórðarson var mættur til að velta steinum með þeim félögum. „Alex setti andlitið í hnéð á honum og Kári gaf honum annan skemmt. Svo kemur Stefán Árni Geirsson (KR) og tekur dauðatæklingu, hvað hélt hann að hann myndi gerast?.“

Hjörvar sagði að Kári þyrfti að róa sig aðeins. „Kári er minn maður en hann þarf að slaka aðeins á,“ sagði Hjörvar.