Lee Hendrie fyrrum leikmaður enska landsliðsins í knattspyrnu og Aston Villa hefur glímt við gríðarlegt þunglyndi síðustu ár. Eftir að hafa orðið gjaldþrota hefur hann upplifað erfiða tíma.
Hendrie þénaði lengi vel um 20 milljónir á mánuði en fór illa með fjármuni sína og varð gjaldþrota.
„Ég varð mjög þunglyndur, ég varð gjaldþrota og húsið var tekið ofan af mér. Þeir tóku húsið af mömmu líka og slátruðu mér bara,“ sagði Hendrie við ITV.
Hendrie er 43 ára gamall í dag en hann átti farsælan feril í ensku úrvalsdeildinni. „Ég vaknaði einn daginn og reyndi að drepa mig, því næst vaknaði ég í öndunarvél. Ég var meðvitundarlaus um skeið, ég reyndi aftur að drepa mig stuttu síðar.“
,,Ég höndlaði þetta ekki, ég er í vandræðum enn í dag. Ég er á lyfjum og oft hef ég ekki áhuga á að ræða þetta.“
