Ríkisstjórn Boris Johnson, hefur beðið allar stærstu íþróttagreinar landsins um að byrja að undirbúa endurkomu. Ríkisstjórnin vonast til þess að íþróttir fari af stað í byrjun júní, með þessu vilja þau reyna að létta lundina hjá þjóðinni eftir erfiða tíma. Ekki hefur verið spilað í tæpa tvo mánuði vegna kórónuveirunnar.

Áhorfendur fá ekki að mæta á völlinn en vonir standa til um að alli 92 leikirnir verði í beinni útsendingu í ensku úrvalsdeildinni.

Stefnt er að því að hefja æfingar í næstu viku og hefja leik í júní. Deildin verður þá spiluð á sjö vikum og svo kemur viku frí.

Ríkisstjórn Boris Johnson mun ákveða á fimmtudag hvernig reglurnar verða á næstu vikum. Það hefur mikil áhrif á hvort eða hvernig deildin á Englandi er fram.

12 maí: Í næstu viku er planið að litlir hópar komi saman á æfingasvæðinu, tveggja metra reglan verður virt

25 maí: Æfingar hefjast með eðlilegum hætti og undirbúningur fyrir leiki fer á fullt

12 júní: Tímabilið byrjar og verður klárað á sjö vikum, þetta er dagsetningin sem unnið er út frá í dag.

27 júlí: Ef ekkert fer úrskeiðis er þetta dagsetningin sem enski boltinn ætti að klárast

3 ágúst: Viku síðar færi nýtt undirbúningstímabil í gang, leikmenn fá viku í sumarfrí þetta árið.

8 ágúst: Úrslitaleikur enska bikarsins færi fram, átta liða og undanúrslit færu framn á meðan deildin væri í gangi.

9 ágúst: Meistara og Evrópudeildin færi aftur í gang

22 ágúst: Enska úrvalsdeildin stefnir á að byrja nýtt tímbil þarna

29 ágúst: Úrslitaleikur Meistaradeildarinnar færi fram en úrslitaleikur Evrópudeildarinnar þremur dögum áður.