Þáttastjórnandin vinsæli, Ellen DeGeneres, hefur verið harðlega gagnrýnd fyrir ummæli sem hún lét falla í seinasta þætti sínum sem birtist á YouTube. Ellen stjórnar þætti sínum heiman að frá sér þessa daganna vegna COVID-19 veirunnar. Fréttaveita Sky greinir frá þessu.
„Það er eitt sem ég hef lært í sótthví, þetta er eins og að vera í fangelsi, þannig er það,“
Þetta sagði Ellen sem sat inni í húsinu sínu sem er ekekrt slor, en hún býr í höfðingjasetri sem metið er á margar milljónir bandaríkjadollara Eginkona Ellen, Portia De Rossi tók myndbandið upp.
„Ég segi þetta aðallega, þar sem ég er búin að klæðast sömu fötunum í tíu daga samfleytt og allir hérna inni eru samkynhneigðir.“
Netverjar tóku sig til og gagnrýndu Ellen í bak og fyrir, en ummæli hennar voru bæði sögð taktlaus og særandi. Myndbandið var tekið af YouTube-rás þáttastjórnandans og birt aftur, en þá höfð ummæli hennar verið tekin út.
Ummælin voru sérstaklega mikið gagnrýnd í ljósi þess að mikill fjöldi bandarískra fanga hefur smitast af COVID-19. Talsmenn fangelsismála í New York-fykli hafa til að mynda greint frá því að hátt í 300 fangar og 400 starfsmenn fangelsa sé smitaðir, þar með talið eru fjórir fangar látnir hið minnsta.
Þetta er ekki í fyrsta skipti sem að stórstjörnur fá á baukinn fyrir að vera taktlausar er varðar COVID-19, en Gal Gadot var harðlega gagnrýnd fyrir að birta myndband af sér ásamt öðrum stjörnum að syngja Imagine.
