Andy Gray, fyrrum landsliðsmaður Skotlands, gagnrýndi Dejan Lovren harkalega í kvöld.
Gray horfði á leik Liverpool og Watford á Vicarage Road en Watford gerði sér lítið fyrir og vann 3-0 sigur.
Gray var alls ekki hrifinn af frammistöðu Lovren sem var í vandræðum með Troy Deeney.
,,Það er stundum sagt í fótbolta að það sé farið með einhvern eins og dúkku – það er þegar framherji ræður yfir þér,“ sagði Gray.
,,Deeney gerði það við Lovren í dag. Síðast þegar Liverpool tapaði með þremur mörkum, giskaðu á hver var í vörninni? Dejan Lovren.“
