Kendall Jenner, sem er aðeins 21 árs, mun þann 8. september næstkomandi fá verðlaunin Tískugoðsögn áratugarins á tískuvikunni í New York.

Jenner hefur gengið tískupallana síðan árið 2011 og er eins og flestir þekkja einn meðlimur þekktustu og mest ljósmynduðu fjölskyldu samtímans, Kardashian fjölskyldunnar. Það er því kannski ekki skrýtið að hún mun fá verðlaun sem Tískugoðsögn áratugarins þann 8. september næstkomandi á The Daily Front Row´s tískufjölmiðlaverðlaununum. Sitt sýnist þó hverjum, eins og oft vill verða, og finnst sumum Jenner full ung til að hljóta verðlaunin, á meðan aðrir telja þau verðskulduð.