Angel Di Maria, leikmaður Paris Saint-Germain, var aðeins pirraður er hann var á mála hjá Real Madrid.
Di Maria spilaði með stjörnum á Santiago Bernabeu á borð við Cristiano Ronaldo og Gareth Bale.
Þar fékk hann aldrei að taka aukaspyrnur í leikjum en hefur nýtt tækifærið í Frakklandi.
,,Ég hef alltaf spilað með toppleikmönnum sem skora mrög mörk. Ég lærði smátt og smátt. Þú hættir aldrei að læra. Það er alltaf pláss til að bæta þig,“ sagði Di Maria.
,,Hjá Real Madrid tók ég aðeins aukaspyrnur á æfingum því annað hvort Ronaldo eða Bale tóku þær.“
,,Með því að leggja mgi fram þá öðlaðist ég sjálfstraust og þegar ég fékk tækifærið hjá PSG þá skoraði ég. Það er mikilvægt!“
