James Corden fékk til sín góðan gest á dögunum. Söngkonan Meghan Trainor heimsótti The Late Late Show og söng að sjálfsögðu með þáttastjórnandanum.
Hún ræddi um hvernig hún kynntist eiginmanni sínum. Leikkonan Chloé Grace Moretz kom þeim saman, en fyrsta stefnumótið var tvöfalt stefnumót með Chloe og Brooklyn Beckham. Meghan og James semja einnig lag um umferð og ræða um Dr. Phil.
Meghan Trainor er rosalegur aðdáandi Dr. Phil.
„Ég horfði smá á Dr. Phil í morgun á YouTube. Ég geri það á hverjum degi,“ segir Meghan.
Síðan fara þau að spjalla um tónleikaferðalag Meghan þegar hún skyndilega öskrar þegar óvæntur gestur opnar bílhurðina. Það er Dr. Phil. Viðbrögð Meghan leyna sér ekki og fær hún að spyrja Dr. Phil allra þeirra spurninga sem brenna á henni.
Sjáðu myndbandið hér að neðan.
