Hart er tekist á um ástæður rafmagnsleysis norður í landi í óveðrinu sem gekk yfir í vikunni. Bendir hver á annan. Orkufyrirtækin, ríkisstjórnin, landeigendur, umhverfisverndar sinnar. Verður að segjast er að ekki hefur fengið mikill botn í þá umræðu. En má örugglega segja að ríkt hefur andvaraleysi gagnvart hamförum af þessu tagi.

En við deilum flest þeirri skoðun að björgunarsveitir hafi staðið sig vel og að þær séu fjarska mikilvægar með alla sína elju, fórnfýsi og sjálfboðavinnu. Við höfum ekki her, lögreglulið er fámennt, án björgunarsveitanna væri í raun ekki hættandi á að búa í þessu landi – svo þýðingarmiklar eru þær. Þær eru ein grunnstoð samfélagsins.

Hermann Guðmundsson forstjóri Kemi leggur fram góða tillögu á Facebook. Hún er svohjóðandi:

„Þegar maður hlustar á Sprengisand þá legg ég til að Rarik, Landsnet og Landsvirkjun leggi samtals 100 milljónir inná bankareikning Landsbjargar.

Það myndi annars vegar koma á móti útlögðum kostnaði og hins vegar liðka fyrir tækjakaupum.

Án Björgunarsveitanna hefðu öll okkar vandamál orðið miklu erfiðari.“

100 milljónir, jú. Upphæðin mætti að ósekju vera hærri.