Billie Eilish er ein stærsta stjarnan í tónlistarheiminum í dag, og jafnframt sú yngsta. Hún er aðeins sautján ára og var nýlega tilnefnd til sex Grammy-verðlauna. Hún var aðeins þrettán ára þegar fyrsta lag hennar, „Ocean Eyes“, kom út.
Billie var gestur í The Late Late Show with James Corden síðastliðið mánudagskvöld. Alicia Keys var gestaþáttastjórnandi og hefur Billie Eilish lengi verið aðdáandi hennar. Þær voru að ræða um ábreiðu Aliciu af „Ocean Eyes“ þegar Billie kom Alicu á óvart.
„Þú veist það ekki einu sinni,“ sagði Billie. „Smá óvæntur glaðningur. Ég veit ekki hvort þeir eru með þetta myndband tilbúið, en ári áður en Ocean Eyes kom út – sem þú gerðir ábreiðu af, sem er klikkað – þá gerði ég ábreiðu af Fallin á hæfileikasýningu þegar ég var tólf ára.“
