Alfreð Finnbogason var í byrjunarliði Augsburg í dag sem vann mikilvægan sigur í Þýskalandi.
Alfreð og félagar lyftu sér úr fallsæti með sigri en liðið vann 1-0 útisigur á Paderborn. Alfreð spilaði 92 mínútur.
Jón Daði Böðvarsson fékk tækifæri á Englandi er Millwall vann 2-1 sigur á Charlton.
Jón Daði hefur ekki fengið marga byrjunarliðsleiki á tímabilinu en hann spilaði 78 mínútur í sigri dagsins.
Björn Bergmann Sigurðarson komst á blað í Rússlandi þar sem Rostov tapaði 1-2 gegn Tambov.
Framherjinn spilaði 77 mínútur í leiknum og skoraði fyrsta markið eftir sjö mínútur.
Viðar Örn Kjartansson lék allan leikinn með Rubin Kazan en komst ekki á blað í 0-1 tapi gegn Dinamo Moskvu.
Í Grikklandi spilaði Sverrir Ingi Ingason allan leikinn í 1-0 sigri PAOK á OFI Crete. Sverrir fékk gult spjald á 77. mínútu.