Ian Wright, goðsögn Arsenal, mun reyna fyrir sér í sjónvarpi síðar í mánuðinum en þetta var staðfest í gær.

Wright var frábær fótboltamaður á sínum tíma og er þekktastur fyrir tíma sinn hjá Arsenal og Crystal Palace.

Wright ákvað að slá til og taka þátt í þáttaröðunum „I’m a Celebrity Get Me Out of Here“ sem eru vinsælir í Bretlandi.

Þar eru frægir einstaklingar sendir í frumskóginn og keppa sín á milli í alls konar þrautum.

Það verður fróðlegt að sjá hvernig Wright stendur sig og hvort hann geti farið alla leið.

Harry Redknapp, fyrrum stjóri Tottenham, tók einnig þátt á sínum tíma.