Andre Gomes, leikmaður Everton fór undir hnífinn í gær eftir að hafa brotnað á ökkla um helgina. Atvikið var óhugnalegt.

Son Heung-min, leikmaður Tottenham braut þá á Gomes sem féll áfram og á Serge Aurier, Við höggið brotnaði ökkli hans illa.

Son fékk að líta rauða spjaldið, sem var umdeildur dómur. Fyrst um sinn ætlaði Martin Atkinson að gefa honum gult spjald, þegar hann sá ökkla Gomes, breytti hann í rautt.

Tottenham ætlar að áfrýja spjaldinu enda flestir á því að það hafi verið rangt að reka Son af velli.

Son var niðurlútur eftir leik og efast félagið um að Son geti spilað gegn FK Crvena Zvezda á morgun, andlegt ástand hans sé ekki gott.