Halldór Orri Björnsson hefur skrifað undir hjá Stjörnunni. Þetta var staðfest rétt í þessu. Hann gerir þriggja ára samning.
Halldór yfirgaf FH fyrr í vikunni en þar hafði hann verið í þrjú ár.
Hann var áður á mála hjá Stjörnunni en spilaði rúmlega 50 leiki fyrir FH og gerði í þeim sex mörk. Halldór snýr því aftur heim til uppeldisfélagsins, þar sem hann átti sína bestu tíma á ferlinum.
Halldór reyndi einnig fyrir sér í atvinnumennsku hjá Falkenbergs í Svíþjóð árið 2014.
Stjarnan hefur í vetur verið að breyta hópnum sínum en Emil Atlason og Vignir Jóhannesson höfðu samið við liðið. Þá hafa Guðjón Orri Sigurjónsson og Baldur Sigurðsson yfirgefið félagið og fleiri gætu farið sömu leið.
