Hæstiréttur staðfesti í morgun dóm Landsréttar gegn Freyju Haraldsdóttur gegn Barnaverndarstofu um að henni hafi verið mismunað vegna fötlunar í umsóknarferlinu um að taka barn í varanlegt fóstur. RÚV greinir frá.

Málið snerist ekki um að umsókn Freyju hefði verið hafnað, heldur um hvort Freyja hefði rétt á hefðbundnu ferli líkt og aðrir ófatlaðir áður en ákvörðunin um hvort hún fengi að taka að sér fósturbarn yrði tekin. Áður hafði Héraðsdómur Reykjavíkur hafnað kröfu Freyju um að fella úr gildi úrskurð úrskurðarnefndar velferðamála frá 2016, þar sem staðfest var ákvörðun Barnaverndarstofu frá 2015 um synjun á umsókn Freyju.

Barnaverndarstofu var því ekki heimilt að hafna umsókn Freyju án þess að gefa henni færi á að sitja námskeið fyrir mögulega fósturforeldra.

Taldi Freyja sér mismunað á grundvelli fötlunar hennar í málsmeðferðinni við umsóknina, en málið hófst fyrir fimm árum síðan, árið 2014, þegar hún sótti fyrst um að verða fósturforeldri.