James Featherstone, vinsæll umboðsmaður knattspyrnumanna hefur verið ákærður fyrir hrottalega líkamsárás sem átti sér stað í mars.

Featherstone er meðal annars með Chris Smalling, leikmann Manchester United sem er í láni hjá Roma. Þá er Featherstone með Gary Monk, stjóra Sheffield Wednesday.

Árásin átti sér stað í úthverfi Manchester í byrjun mars, ráðist var þá á mann á karlaklósetti. Maðurinn var á knæpu þegar Featherstone réðst á hann.

Hann var fluttur á sjúkrahús með talsverða áverka en Featherstone hefur nú verið ákærður fyrir málið.

Featherstone flúði af vettvangi eftir árásína og var auglýst eftir honum, hann gaf sig fram að lokum.