Útgáfufélagið Stundin þarf að greiða Útvarpi Sögu 200 þúsund krónur í bætur fyrir að birta 15 myndir sem voru í eigu útvarpsstöðvarinnar, þar af var ein mynd þar sem Arnþrúður Karlsdóttir útvarpsstjóri var klædd í búrku.  Fram kemur í dómi Héraðsdóms Reykjavíkur að Útvarp Saga hafi krafist 500 þúsund krónur fyrir hverja mynd, eða alls 7,5 milljónir, það taldi héraðsdómur fráleita upphæð.

Stundin bar fyrir sig að myndirnar hefðu birst á Fésbókarsíðu stöðvarinnar og hafi einnig verið dreift utan þess án athugasemda:

Stefndi bygg­ir á því að til­efni um­fjöll­un­ar sinn­ar hafi verið að upp­lýsa um mál­efni sem hafi átt er­indi til al­menn­ings. Hann hafi viljað varpa ljósi á hátt­semi þátta­stjórn­enda og fyr­ir­svars­manna stefn­anda sem hafi hæðst að minni­hluta­hóp­um, m.a. með því að klæðast í gervi þeirra og herma eft­ir framb­urði þeirra, saka fyrr­um starfs­menn um kyn­ferðis­brot í fjölda­póst­um og taka á móti ýms­um gest­um, m.a. fyrr­ver­andi for­sæt­is­ráðherra, sem hafi kosið stefn­anda sem vett­vang viðtala sinn­an um­fram aðra fjöl­miðla,

segir í rökstuðningi Stundarinnar, þar að auki hafi umfjöllun útvarpsstöðvarinnar verið smekklaus og geti talist hatursáróður. Héraðsdómur féllst ekki á þau rök og taldi að rétthafi eigi kröfu til þóknunar þegar ljósmynd sé birt án leyfis.