N’Golo Kante, leikmaður Chelsea, viðurkennir að liðið hafi ekki byrjað tímabilið nógu vel.
Kante spilaði með Chelsea um helgina er liðið tapaði 2-1 heima gegn Liverpool í úrvalsdeildinni.
Chelsea er aðeins búið að næla í átta stig af 18 mögulegum og hefur fengið á sig 13 mörk í sex leikjum.
,,Þetta er ekki frábær byrjun, það er mikil vinna framundan,“ sagði Kante við heimasíðu Chelsea.
,,Við erum ekki þar sem við viljum vera en við getum barist og breytt því í næstu leikjum.“
