Raunveruleikastjarnan Jonathan Van Ness, sem hefur gert garðinn frægan í sjónvarpsþáttunum vinsælu Queer Eye sagði að hann sé að glíma við HIV-sjúkdóminn. Frá þessu greindi hann í viðtali við The New York Times.
Van Ness, sem er 32 ára hefur þó glímt við sjúkdóminn um árabil, en hann greindist þegar hann var aðeins 25 ára.
Í viðtalinu sagði Van Ness einnig frá misnotkun sem hann varð fyrir sem barn, af hendi eldri drengs.
Van Ness sagði einnig frá eiturlyfja-fíkn sinni, en hann var um tíma háður amfetamíni. Hann segist þó ekki neyta sterkra eiturlyfja í dag.
