Það er byrjað að gusta um Manchester United á nýjan leik, eftir jafntelfi gegn Wolves og tap gegn Crystal Palace.
United er með fjögur stig eftir þrjá leiki og Ole Gunnar Solskjær gæti horft fram á erfitt tímabil. Solskjær er að reyna að búa til nýtt lið, það gæti tekið meiri tíma en stuðningsmenn United sætta sig við.
Félagið hefur verið í krísu frá því að Sir Alex Ferguson lét af störfum árið 2013, síðan þá hafa fjórir stjórar komið við sögu.
Solskjær er með jafn slakt vinningshlutfall og Louis van Gaal sem rekinn var úr starfi eftir tvö ár.
Jose Mourinho er með mikla yfirburði af þeim sem stýrt hafa liðinu frá því að Ferguson hætti, hann var rekinn í desember.
Sigurhlutfall:
1 Jose Mourinho – 65.6% sigurhlutfall
2 David Moyes – 56.3%
3 Louis van Gaal – 53.1%
4 Ole Gunnar Solskjaer – 53.1%
