Fjallkonan og leikkonan Aldís Amah Hamilton vakti verðskuldaða athygli í fyrrnefnda hlutverkinu á sjálfan þjóðhátíðardaginn 17. júní og flutti ljóð eftir Bubba Morthens við mikla hrifningu viðstaddra. Aldís útskrifaðist frá Listaháskóla Íslands árið 2016 og leikur aðalhlutverkið í nýjum tölvuleik frá Myrkur Games, The Darken.
Móðir Aldísar er Alda Sigmundsdóttir, sem hefur marga fjöruna sopið. Hún er rithöfundur, blaðamaður, þýðandi og bloggari og sló rækilega í gegn með bloggi sem hún hélt úti um árabil sem hét The Iceland Weather Report. Alda var tilnefnd til alþjóðlegra verðlauna fyrir bloggið á sínum tíma, sem gerði það að verkum að síðan var á pari við heimsþekktar bloggsíður á borð við Perez Hilton.
