Segist hafa eytt heilu nóttunum í einhvers konar forgarði helvítis
„Á tímabili í kringum tvítugt kveið ég því svo að sofna að ég var við það að sturlast,“ segir sjónvarpsmaðurinn góðkunni Helgi Seljan í bókinni Svefn eftir Erlu Björnsdóttur doktor í sálfræði.
Í bókinni er fjallað um ýmis svefnvandamál og lesendum gefin góð ráð. Á kápu bókarinnar segir að svefnvandamál séu algeng í hröðu nútímasamfélagi.
Í bókinni deilir Helgi með lesendum svokallaðri svefnrofalömun sem hann þjáðist af.
Svefnrofalömum lýsir sér þannig að maður getur sig hvergi hreyft rétt áður en maður festir svefn eða skömmu áður en maður vaknar. „Meðan á þessu stendur er fólk með meðvitund, og því getur fundist ástandið mjög óþægilegt, sérstaklega þegar öndunarerfiðleikar fylgja eins og stundum gerist,“ segir í umfjöllun á Vísindavefnum. Í bók Erlu kemur fram að ofskynjanir geti komið fram við svefnrofalömun; sjúklingar heyri þá hljóð eða sjá fólk eða verur sem eru ekki til staðar.
Í bókinni segir Helgi að hann hafi upplifað að vakna gjörsamlega lamaður, en þó enn sofandi á meðan um hann sátur allskonar óhugnanlegar verur.
„Ég hef átt í ofboðslega flóknu sambandi við þetta fyrirbæri; svefn. Hann hefur þannig nýst mér til góðs og ills. Oftast góðs, eðlilega. Á tímum hefur hann þó veitt mér skálkaskjól. Og þangað hef ég flúið. Hef nefnilega aldrei átt í vandræðum með að sofna. En á móti hef ég oft vanrækt hann – eða ofnotað, sem hefur eiginlega verið mér verra. Á tímabili í kringum tvítugt kveið ég því svo að sofna að ég var við það að sturlast. Ástæðan var sjúklegar draumfarir mínar og martraðir. Líkast til hefur lifnaðurinn á mér haft mest um það að segja að ég eyddi heilu nóttunum í einhvers konar forgarði helvítis. Upplifði það að vakna gjörsamlega lamaður en þó enn sofandi á meðan um mig sátu púkar, rottur og afturgengnar, andlitslausar konur. Svona gekk þetta í marga mánuði þar til þetta hætti allt í einu, eins og hendi væri veifað. Sú tilfinning að sofna þreyttur og sáttur, setja einhvers lags punkt aftan við daginn, hefur mér lærst að vera farsælasta byrjun næsta dags. En þó að ég hafi lært það þýðir það ekki endilega að ég hlíti því alltaf,“ segir Helgi í bókinni.
Hér að neðan má lesa nánar um svefnrofalömun:
„Stundum greip hann í ökklana á mér og dró mig undir sængina“ – DV
Nótt eftir nótt vaknaði Helena Adelina, 24 ára, upp við vondan draum. Hún gat sig hvergi hreyft og var sannfærð um að einhver yfirnáttúruleg vera væri í herberginu. Stundum taldi hún sig sjá skuggaveru í herberginu en í öðrum tilfellum taldi hún sig heyra í henni.
//cdn.embedly.com/widgets/platform.js
Íslendingar deila hrollvekjandi reynslu sinni: „Svarta veran skríður smám saman upp bringuna á mér“ – DV
Tugir Íslendinga hafa deilt reynslu sinni af svefnrofalömun eftir að DV birti frétt um málið á dögunum. Lömunin lýsir sér þannig að viðkomandi getur sig hvergi hreyft, oft skömmu áður en maður festir svefn eða skömmu áður en maður vaknar.
//cdn.embedly.com/widgets/platform.js
Flosi lenti í óhugnanlegri lífsreynslu: „Þarna liggur maður bara fastur og vitstola af hræðslu“ – DV
Flosi Þorgeirsson, gítarleikari hljómsveitarinnar HAM, er einn fjölmargra Íslendinga sem kannast við einkenni svefnrofalömunar. Flosi rifjaði upp eitt óhugnanlegt atvik í viðtali við Útvarp Sögu á dögunum.