Elly frumsýnd í Borgarleikhúsinu – Segir frá sorgum og gleði Ellyjar Vilhjálms
Það var fjölmenni í Borgarleikhúsinu á laugardagskvöld þegar Elly, nýtt íslenskt verk um einu dáðustu söngkonu þjóðarinnar, Elly Vilhjálms, var frumsýnt. Verkið var unnið í samstarfi við Vesturport og fer Katrín Halldóra Sigurðardóttir með hlutverk Ellyjar í sýningunni.
Ævisaga Ellyjar, sem Margrét Blöndal ritaði og gefin var út árið 2012, var notuð sem heimild fyrir verkið auk fjölmargra frásagna frá vinum og kunningjum Ellyjar. Í verkinu er farið yfir ævi og störf hennar, bæði sem opinber persóna og söngkona, og gleði og sorgir hennar í einkalífinu.
