Ole Gunnar Solskjær, sem stýrir Manchester United tímabundið segir það ekki rétt að Sir Alex Ferguson sé með puttana í öllu þessa dagana.
Solskjær hefur unnið alla sjö leikina sína í starfi og gæti fengið starfið til framtíðar.
Ferguson var stjóri Solskjær allan hans feril hjá United og hefur framherjinn leitað í bækur Ferguson þegar kemur að stjórnun liðsins.
,,Við tölum ekki saman vikulega,“ sagði Solkjær um hvað Ferguson væri að gera. Ensk blöð höfðu nefnlega sagt frá því að Solskjær væri að ráðfæra sig við Ferguson, þegar hann væri að velja taktík og leikmenn í liðið.
Ferguson hefur í tvígang komið á æfingasvæði United eftir að Solskjær tók vð. ,,Ég hef ekki talað oft við hann, hann kom einu sinni á æfingasvæðið bara til að hitta Giuseppe Rossi,“ sagði Solskjær en Rossi fær að æfa með United þessa dagana.
,,Áhrifin eru meiri af því að ég lék í 15 ár undir honum, hann er 77 ára gamall og það væri ekki eðlilegt að angra hann alla daga.“
