Arnar Gunnlaugsson hefur tilkynnt landsliðshóp sinn fyrir leiki gegn Aserbaídsjan og Úkraínu í undankeppni HM, leikirnir fara fram í næstu viku.
Jóhann Berg Guðmundsson snýr aftur í hópinn og gæti spilað sinn 100. landsleik í þessu verkefni.
Þetta eru síðustu tveir leikirnir í riðlakeppni undankeppninnar fyrir HM 2026. Frakkland er efst í riðlinum með tíu stig, Úkraína í öðru sæti með sjö stig og Ísland er í þriðja sæti riðilsins með fjögur stig. Aserbaídsjan er í neðsta sæti með eitt stig. Það lið sem endar í efsta sæti fer beint á HM á meðan liðið í öðru sæti fer í umspil.
Hörður Björgvin Magnússon er mættur aftur í hópinn en hann hefur verið að komast á flug í Grikklandi eftir erfið meiðsli.
Þórir Jóhann Helgason og Sævar Atli Magnússon detta úr hópnum frá síðasta verkefni. Sævar Atli er meiddur en Þórir Jóhann er ekki í náðinni í þetta skiptið.
Hópurinn:
Elías Rafn Ólafsson – FC Midtjylland – 11 leikir
Hákon Rafn Valdimarsson – Brentford F.C. – 20 leikir
Anton Ari Einarsson – Breiðablik – 2 leikir
Logi Tómasson – Samsunspor – 12 leikir, 1 mark
Mikael Egill Ellertsson – Genoa CFC – 25 leikir, 2 mörk
Daníel Leó Grétarsson – SonderjyskE Fodbold – 28 leikir
Hörður Björgvin Magnússon – Levadiakos F.C. – 50 leikir, 2 mörk
Aron Einar Gunnarsson – Al-Gharafa SC – 107 leikir, 5 mörk
Sverrir Ingi Ingason – Panathinaikos F.C. – 63 leikir, 3 mörk
Guðlaugur Victor Pálsson – AC Horsens – 54 leikir, 5 mörk
Bjarki Steinn Bjarkason – Venezia FC – 7 leikir
Gísli Gottskálk Þórðarson – Lech Poznan – 1 leikur
Ísak Bergmann Jóhannesson – 1. FC Köln – 39 leikir, 6 mörk
Hákon Arnar Haraldsson – LOSC Lille – 26 leikir, 3 mörk
Andri Fannar Baldursson – Kasimpasa S.K. – 10 leikir
Stefán Teitur Þórðarson – Preston North End F.C. – 33 leikir, 1 mark
Jón Dagur Þorsteinsson – Hertha BSC – 50 leikir, 6 mörk
Kristian Nökkvi Hlynsson – FC Twente – 8 leikir, 2 mörk
Jóhann Berg Guðmundsson – Al Dhafra – 99 leikir, 8 mörk
Mikael Neville Anderson – Djurgardens IF – 37 leikir, 2 mörk
Andri Lucas Guðjohnsen – Blackburn Rovers F.C. – 37 leikir, 10 mörk
Brynjólfur Andersen Willumsson – FC Groningen – 5 leikir, 1 mark
Albert Guðmundsson – ACF Fiorentina – 44 leikir, 13 mörk
Daníel Tristan Guðjohnsen – Malmö FF – 3 leikir
