Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í Evrópu hefur nú opnað á nýjan leik og eru fjölmörg félög að horfa í kringum sig.

Hér má sjá pakka dagsins.

Barcelona er tilbúið að hlusta á tilboð í miðjumanninn Philippe Coutinho en Manchester United hefur áhuga. (Calciomercato)

Barcelona er einnig að íhuga annað tilboð í vængmanninn Willian sem spilar með Chelsea. (Standard)

Chelsea hefur samþykkt að kaupa miðjumennina Nicola Barella hjá Cagliaro og Leandro Paredes hjá Zenit. (Telegraph)

Gonzalo Higuain er númer eitt á óskalista Chelsea sem vill fá hann á láni út tímabilið. (Sun)

Bæði Liverpool og Fulham hafa áhuga á að kaupa framherjann Moanes Dabour hjá Red Bull Salzburg. (Estadio Deportivo)

West Ham er að skoða þann möguleika að fá miðjumanninn Jonjo Shelvey hjá Newcastle. (Mail)

Leeds er að fá markvörðinn Kiko Casilla sem spilar með Real Madrid en þessi 32 ára gamli Spánverji mun fljúga til Englands í næstu viku. (Yorkshire Post)