Þessi réttur er mjög fljótlegur og þarf ofboðslega lítið að hafa fyrir honum. En mikið sem hann er góður og tilvalið að bera hann fram með góðu salati eða hrísgrjónum.

Grískur kjúklingaréttur

Hráefni:

3 msk. ólífuolía
safi úr 1 sítrónu
3 hvítlauksgeirar, smátt saxaðir
1 tsk. þurrkað oreganó
500 g beinlaus kjúklingalæri
salt og pipar
220 g ferskur aspas, endar skornir af
1 kúrbítur, skorinn í sneiðar og síðan í hálfmána
1 sítróna, skorin í sneiðar

Aðferð:

Blandið 2 matskeiðum af olíu, sítrónusafa, hvítlauk og oreganó saman í stórri skál. Bætið kjúklingalærunum út í og blandið saman þannig að marinering hylji lærin. Setjið plastfilmu yfir skálina og leyfið þessu að marinerast í ísskáp í að minnsta kosti fimmtán mínútur, eða í allt að tvo klukkutíma. Hitið ofninn í 220°C. Hitið restina af olíunni í stórum potti yfir meðalhita. Kryddið báðar hliðar kjúklingsins með salti og pipar og setjið í pottinn. Hellið restinni af marineringunni í pottinn. Steikið þar til húðin er stökk og gyllt, í um 10 mínútur. Snúið kjúklingi við og bætið aspas, kúrbít og sítrónusneiðum í pottinn. Setjið pottinn inn í ofn og eldið í um 15 mínútur, eða þar til kjúklingurinn er eldaður í gegn og grænmetið mjúkt.