Gary Martin er kominn aftur til Íslands en hann skrifaði í dag undir samning við Val í Pepsi-deild karla.
Gary lék áður með ÍA og KR hér heima en hefur undanfarin ár spilað í Noregi og Belgíu.
,,Það er gott að vera kominn aftur. Ég upplifði ekki frábæra tíma í Noregi, ég naut þess ekki að búa þar,“ sagði Gary.
,,Það er gott að vera orðinn ánægður aftur. Ég þekki Ísland mjög vel og var mjög ánægður þegar ég var hér.“
,,Ég hef reynt fyrir mér erlendis, grasið er ekki alltaf grænna hinum megin. Ég er ánægður með að vera kominn aftur og samdi við besta félagið.“
,,Það er erfitt að taka við af Patrick [Pedersen], hann hefur raðað inn mörkum. Þetta er skemmtileg áskorun og það eru frábærir leikmenn hérna.“
,,Hann skoraði hvað, 17 mörk? Ég held að ég geti gert það. Ég hef aldrei spilað með alvöru númer tíu. Þegar ég fór erlendis var ég í fallbaráttu og þetta gæti verið í fyrsta sinn sem ég fæ mörg tækifæri.“
Nánar er rætt við Gary hér fyrir neðan.
