,,Þetta er öðruvísi,“ sagði Paul Pogba miðjumaður Manchester United um hvaða breyting er hjá Ole Gunnar Solskjær eftir að hann tók við af Jose Mourinho.
Mourinho og Pogba voru ekki vinir og var miðjumaðurinn glaður að sjá hann fara. Pogba hefur verið frábær eftir að Mourinho fór og skorað fjögur mörk í þremur leikjum.
Undir lok tíma Mourinho fór hann að tala um Pogba sem vírusinn í hópnum.
,,Við unnum nú leiki með gamla stjóranum en þetta er allt annar stíll hjá okkur. Við viljum sækja meira, við sköpum fleiri færi, við spilum hærra á vellinum.“
Margir spyrja sig af hverju Pogba gat ekki spilað svona undir stjórn Mourinho. Var ábyrgðin hjá Pogba eða Mourinho í þeim efnum.
EF tölfræði Pogba er skoðuð undir stjórn Mourinho og svo hjá Solskjær má sjá svakalega bætingu.
