Starfsfólk stafrænu auglýsingstofunnar Sahara gerði sér glaðan dag á föstudag eins og víða er gert í fyrirtækjum síðustu daga fyrir jól. Starfsfólkið sló upp veislu og mætti í jólapeysum og gæddi sér á jólabjór. Það sem gerði þessa gleði þó frábrugða öðrum var miðpunktur gleðinnar sem var úrslitaleikur í borðtennismóti Sahara þar sem starsfólkið hefur verið að keppa við hvort annað í útsláttakeppni síðan í sumar. 

Skemmtikrafturinn og gleðipinninn Hjálmar Örn Jóhannsson sá um að lýsa þessum risa íþróttaviðburði í beinni útsendingu og keppnin var hin líflegasta. Skemmst er frá því að segja að Hjálmar brást ekki aðdáendum sínum og leysti verkefnið af stakri snilld.

„Facebook live sem tæki í markaðsstarfi hverskonar er að ryðja sér til rúms um allan heim og okkur langaði að prófa þennan vettvang bæði til að sanna það fyrir okkur og samstarfsaðilum að þetta virki,“ segir Davíð Lúther Sigurðsson framkvæmdastjóri og einn eigenda Sahara. „Svo var þetta bara skemmtilegt hópefli og gott partý í leiðinni.“

Það voru þeir Andreas Örn Aðalsteinsson og Sindri Freyr Guðjónsson sem spiluðu til úrslita að þessu sinni, en mótið sem slíkt hefur staðið yfir síðan í sumar en úrslita leikur, loka átökin, fóru fram í jólapartýinu. Það er ljóst þegar kemur að borðtennis að þá verður opna Sahara mótið í borðtennis einn stærsti íþróttaviðburður ársins.

Um leið og hugmyndin hjá Sahara var að slá á létta strengi og hafa gaman var þetta líka ákveðin tilraun í að nota Facebook-Live möguleikann á þessum vettvangi og það verður að teljast hafa heppnast vel því um sólarhring síðar voru átján hundruð manns búnir að horfa á úrslitaleikinn í borðtennismóti Sahara.

Hægt er að skoða keppnina hér.