Lögreglan á Suðurlandi birti í dag stöðufærslu sem er akkúrat í anda jólanna og sýnir náungakærleikann í sinni bestu mynd.

Eldri kona kom á lögreglustöðina á Selfossi í gær og tilkynnti að hún hefði tapað umslagi með 70 þúsund krónum í, í eða við Bónus. Upphæð sem margan grunar um, og sérstaklega núna í aðdraganda jóla.

Í dag mætti síðan önnur eldri kona með umslagið góða, sem hún vildi skila með von um að eigandi þess fyndist.

Konurnar ræddu í kjölfarið saman símleiðis og var sú sem endurheimti umslagið að vonum hæstánægð með heiðarleika finnanda þess. Óskuðu þær síðan hvor annarri gleðilegra jóla.

Hefur færsla lögreglunnar fengið fjölda „læka“ og eru viðbrögðin öll einróma, um að gott sé að enn sé til heiðarlegt og gott fólk.