Undanfarnar vikur hefur hálfgert kynjastríð geisað á netmiðlum þar sem Hildur Lilliendahl Viggósdóttir, verkefnastjóri hjá Reykjavíkurborg og femínisti, fer fremst í flokki. Ljóst er að fáir hafa jafnmikla hæfileika og Hildur til þess að ýfa stélfjaðrirnar hjá sperrtum karlfuglum. Hildur er ekki ein um að vera umdeild í fjölskyldu sinni. Faðir Hildar heitir Viggó Bragason en systir hans er fjölmiðlakonan Agnes Bragadóttir. Agnes gerði allt vitlaust innan verkalýðshreyfingarinnar á dögunum með röð frétta um óeiningu innan Eflingar og tengsl forystunnar við Gunnar Smára Egilsson og eiginkonu hans. Þær standa stöðugt í ströngu, frænkurnar.
