Hildur Lilliendahl Viggósdóttir segist vona að Jóni Steinari líði betur fyrir það að hafa nafngreint vinkonu sína og samstarfskonu í Morgunblaðinu í fyrradag. Segir Hildur í opinni færslu á Facebook að síðan Jón Steinar nafngreindi vinkonu sína fyrir það að hafa kallað hann „krípí“ í lokuðum hópi á internetinu hafi tugir manna deilt mynd af henni á samfélagsmiðlum með virkilega ljótum athugasemdum. Segir Hildur ofbeldið sem ríði yfir Viktoríu í dag sé með því viðbjóðslegasta sem hún hafi séð.
„Hún hatar karla. Hún er forhert og ofdekruð. Það á að reka hana úr vinnunni (sinnum hundrað). Hún er sérfræðingur í hatri gegn karlmönnum, illyrðum og rógi. Hún er orðljót með afbrigðum. Það er keytulykt af henni. Hún er ógæfulegur pilsvargur og hún er asni. Hún er brundfés og BITCH !! og afleiðing úrkynjunar og aumingjavæðingar. Það er æðissvipur í augunum á henni og eini munurinn á augnaráði hennar og jórtrandi belju er gáfnaglampinn í augum beljunnar. Hún sýgur samborgara sína um lífsviðurværi um leið og hún spýr yfir þá óþverra. Hún er fasisti. Hún er gráðug og spillt og það á að fiðra þessa glyðru. Það á að flæma þetta ógeð úr Ráðhúsinu og hún er ófullnægð og miðaldra. Hún er forréttindapía sem vinnur við að ata saklaust fólk aur. Hún hefur níð og mannorðsmorð á samviskunni. Hún er geðbilað drullupakk og viðbjóður. Hún er ógeð og kríp sem á að skammast sín og fara til andskotans,“
var sagt um vinkonu Hildar. Hildur lýkur færslunni á orðunum: „Takk fyrir þetta, Jón Steinar. Vonandi líður þér betur.“
Hefur málið vakið mikla athygli undanfarna daga og stór orð látin falla á báða bóga. Sjá einnig: Jón Steinar kallaður fáviti, ógeð og kvikindi á lokaðri síðu – Nafngreinir þá sem níða hann
Vefritið Knúz.is deilir færslu Hildar og segir:
„Sama fólkið og stekkur á hneykslunarvagninn vegna ummæla fólks í lokuðum hópi, notar nú tækifærið og eys soranum yfir nafngreinda einstaklinga. Þetta er ekki bara viðbjóður. Þetta er hatur.“
Hér fyrir neðan má lesa stöðuuppfærslu Hildar í heild sinni: