Skemmdir urðu á að minnsta kosti fimm bifreiðum í gærkvöld eftir að þeim hafði verið ekið ofan í stóra holu á Grindavíkurvegi. Þetta kemur fram í tilkynningu frá lögreglunni á Suðurnesjum.
Þar segir að átta hjólbarðar undir bifreiðunum hafi sprungiðu og ein felga eyðilagst. „Lögreglumenn á Suðurnesjum fóru á vettvang og reyndu eftir bestu getu að fylla holuna. Hún var svo merkt með keilum til að fyrirbyggja skemmdir á fleiri bifreiðum. Framkvæmdir stóðu yfir á veginum og var holan talin hafa myndast í tengslum við þær.“
