Miðjumaðurinn Harry Arter mun spila fyrir Cardiff City á þessu tímabili í ensku úrvalsdeildinni.
Þessi 28 ára gamli leikmaður gerði samning við Cardiff í kvöld en hann kemur til liðsins á láni.
Arter hefur undanfarin átta ár spilað með Bournemouth en hann var fyrir það hjá smáliði Woking.
Arter spilaði aðeins 13 leiki í deildinni á síðustu leiktíð eftir að hafa verið fastamaður í langan tíma.
Arter byrjaði hjá Bournemouth í þriðju efstu deild og fór með liðinu alla leið í úrvalsdeildina.
