„Þekkir þú Jáen?“ Á þessum orðum hefst pistill eftir Ragnhildi Þórðardóttir, heilsusálfræðingur og fjarþjálfari, einnig þekkt undir nafninu Ragga nagli.

Ragga hefur vakið athygli fyrir beinskipta pistla sína er tengjast öllum kimum samfélagsins. Í pistlinum sem birtist hér að neðan ræðir hún um líkamsímynd og mikilvægi þess að hrósa sjálfum sér. Í pistlinum sem birtist á Facebook síður Röggu Nagla segir orðrétt:

„Þekkir þú Jáen?

Jáen er ekki færeyskur kokkur frá Þórshöfn. Jáen er sá sem kemur í heimsókn þegar þér er hrósað.

Vá hvað þú hleypur hratt.
Já en þetta voru nú ekki nema 100 metrar.

Smart peysa sem þú ert í.
Já en æi hún er eldgömul.

Flott á þér hárið. Varstu í klippingu.
Já en ég er ekkert ánægð með þessa greiðslu.

Mikið líturðu vel út í dag.
Já en ég þurfti alveg að sparsla í hrukkurnar í morgun

Jáen er frændi Nonna neikvæða.

Eins og dyravörður á Ingólfscafé passar hann uppá að hrós og jákvæðar staðhæfingar séu ekki teknar trúanlegar.

Jáen viðheldur trúnni að þú sért ekki nóg með að afskrifa hól eins og neyslulánin frá 2007.

Jáen heldur áfram að brjóta þig niður með að viðkomandi sé bara að sjá aumur á þér af því þú ert ekki nóg.
Þetta er bara þvættingur. Skýrðu þetta burt.

Við erum búin að hafa það svo gott saman þar sem ég ríf sjálfið þitt niður eins og gamlan Icesave samning
Jáen vill alls ekki að þú segir „Takk fyrir kærlega. Þetta styrkti mig“ þegar þér er hrósað.

Jáen vill viðhalda skruðningunum sem suða í hausnum um að þú sért ekki nóg. Eigir ekki nóg. Gerir ekki nóg.
Ekki nógu ríkur, sterkur, stæltur, grannur, stór, lítill. Ekki nógu góð móðir, dóttir, sonur, systir.

Og þess vegna ætlum við ekki að taka hrósi trúanlega

Þá ferðu að vera sátt við sjálfa þig og færð sjálfstraust.
Það vill Jáen ekki.

Næst þegar þér er hrósað hentu Jáen öfugum útúr partýinu.
Hann eyðileggur stuðið.

Hann er boðflenna og dóni.

Ræfill og rukkari.

Þakkaðu fyrir.

Taktu það til þín

Trúðu því.

Notaðu það síðan til að styrkja þig í þínum góðu venjum.“