Þúsundir Íslendinga munu fylla Kórinn
Óhætt er að segja að talsverð spenna sé í mannskapnum í og við Kórinn þar sem tónleikar kanadísku poppstjörnunnar Justin Bieber fara fram. Eins og þessar myndir bera með sér mynduðust langar raðir um það leyti sem húsið var opnað klukkan 19, en þeir allra hörðustu mættu þó í röðina snemma í morgun.
Þúsundir Íslendinga streyma nú á tónleikana en búist er við því að Bieber stigi á svið klukkan um það bil 20.30. Vic Mensa, ungur og efnilegur rappari frá Chicago, mun hita upp fyrir tónleikana auk þess sem Sturla Atlas mun stíga á svið. Ljóst er að það verður mikið um dýrðir í Kórnum í kvöld. Meðfylgjandi myndir tók Sigtryggur Ari, ljósmyndari DV.
