Christian Pulisic var frábær fyrir lið Borussia Dortmund í gær er liðið mætti Liverpool í ICC æfingamótinu.
Pulisic skoraði tvö mörk fyrir Dortmund í góðum 3-1 sigri á Liverpool en þýska liðið lenti undir í leiknum.
Pulisic hefði fengið verðlaun fyrir að vera besti maður vallarins en bjórframleiðandinn Heineken sér um að veita þau verðlaun á mótinu.
Heineken mátti ekki velja Pulisic sem mann leiksins í gær vegna þess að Bandaríkjamaðurinn er aðeins 19 ára gamall.
Í Bandaríkjunum er áfengisaldurinn 21 árs og á Pulisic því enn tvö ár eftir þar til hann má löglega kaupa sér áfengi.
Heineken má ekki styðja við bakið á svo ungum leikmanni og fékk Virgil van Dijk, varnarmaður Liverpool, verðlaunin í staðinn.
„Virgil van Dijk has been awarded Man of the Match. Christian Pulisic was not allowed to receive the award as it’s sponsored by Heineken and he is not 21 yet.“ https://t.co/RFgGnS9J2X
— Stefan Buczko (@StefanBuczko) 22 July 2018
