Leikverkið Sending, eftir Bjarna Jónsson, var frumsýnt á Nýja sviðinu í Borgarleikhúsinu um helgina. Um er að ræða nútímaverk sem gerist árið 1982. Ungur drengur er sendur í fóstur til barnlausra hjónaleysa vestur á fjörðum. „Konan tekur drengnum opnum örmum en tilfinningar mannsins eru flóknari og ekki líður á löngu þar til líf hjónanna umturnast. Veruleiki drengsins og hjónaleysanna virðist á einhvern undarlegan hátt hanga saman,“ segir í kynningu á verkinu á vef Borgarleikhússins en leikritið gerir bjargleysi og útskúfun að meginviðfangsefni sínu.

Leikstjórn er í höndum Mörtu Nordal en leikarar eru Árni Arnarson, Elma Stefanía Ágústsdóttir, Hilmar Guðjónsson, Kristín Þóra Haraldsdóttir og Þorsteinn Bachmann.

Meðfylgjandi myndir eru teknar á frumsýningarkvöldinu, þar sem valinkunnir gestir og aðstandendur sýningarinnar skáluðu.

Prúðbúin Hjónin Gísli Örn Garðarsson og Nína Dögg Filippusdóttir, ásamt Ingvari E. Sigurðssyni.

Feðgar Örn Gauti Jóhannsson og stórleikarinn Jóhann Sigurðarson mættu á frumsýninguna.

Mæðgur á frumsýningu Frú Vigdís Finnbogadóttir og Ástríður Magnúsdóttir, hýrar á brá.

Mæðgin Kristín Una Mikaelsdóttir og Mikael Torfason mættu til að fylgjast með Elmu Stefaníu Ágústsdóttur leikkonu, en hún er hvort tveggja stjúpmóðir Kristínar Unu og spúsa Mikaels.

Mæðgur og maki Kjartan Ólafsson ásamt tengdamóður sinni, Guðríði Katrínu Arason (eiginkonu Gunnars Eyjólfssonar leikara), og eiginkonunni Karitas H. Gunnarsdóttur.