Miðjumaðurinn Jack Wilshere hefur skrifað undir samning við lið West Ham á Englandi.
Þetta staðfesti félagið í dag en Wilshere kemur á frjálsri sölu og gerir þriggja ára samning.
Wilshere hefur allan sinn feril verið samningsbundinn Arsenal en samningur hans á Emirates rann út í sumar.
Wilshere ákvað að róa á önnur mið en hann var ekki inni í myndinni hjá Unai Emery, nýjum stjóra liðsins.
Manuel Pellegrini tók við West Ham í sumar og er hann mikill aðdáandi enska miðjumannsins.
