Njáll Trausti Frið­berts­son þingmaður Sjálfstæðisflokksins í Norðausturkjördæmi segir ríkisstjórnarsamstarf með Viðreisn og Bjartri framtíð ekki hafa verið sinn fyrsta kost og tekur hann undir sjónarmið um að ríkisstjórnin hafi of mikinn svip höfuðborgarsvæðisins.

Njáll segir í samtali við Morgunblaðið í dag að hann telji að flugvöllurinn eigi áfram að verra í Vatnsmýrinni og að íslensk stjórnsýsla hafi brugðist í málinu:

Meiri­hluti þjóð­ar­innar vill að flug­völlur sé áfram í Vatns­mýri. Það verður að segj­ast að mér hefur fund­ist íslensk stjórn­sýsla hafa brugð­ist almanna- og örygg­is­hags­munum í þessu máli, svo sem með lokun neyð­ar­braut­ar­innar sem svo er köll­uð. Ég held að það sé kom­inn tími til að skoða hvernig tekið er á svona málum meðal nágranna­þjóða okk­ar, eins og t.d. í Sví­þjóð þar sem flugið er líkt og hér mik­il­vægur sam­göngu­mát­i,

sagði Njáll við Morgunblaðið. Telur hann að ráðherrar nýrrar ríkisstjórnar þurfi að sýna það í verki að þeir starfi fyrir landið allt, ekki bara höfuðborgina.

Birgitta og Logi: Ekki tímabært að ræða skiptingu fastanefnda

Um helgina gerðu Sjálfstæðismenn í Vestmannaeyjum alvarlegar athugasemd við að þrír ráðherrar af ellefu komi úr landsbyggðarkjördæmum, þar af enginn úr Suðurkjördæmi. Segir í ályktun fulltrúaráðs að eðlilegast sé að forystumönnum flokksins í Suðurkjördæmi sé tryggð formennska í veigamiklum nefndum Alþingis. Í Fréttablaðinu í dag er rætt við Birgittu Jónsdóttur þingmann Pírata og Loga Má Einarsson formann Samfylkingarinnar, telja þau ekki tímabært að ræða formannaskiptingu í fastanefndum Alþingis. Er þar fullyrt að stjórnarflokkarnir hyggist vera með formennsku í sex nefndum af átta.

Ari Brynjólfsson –ari@pressan.is